சாப்பிடும் சாப்பாட்டில் காய்கறியா

முந்தய ஒரு பதிவில் நாம் உண்ணும் உணவில் 

உள்ள கலோரிகளைப் பற்றித் தெரிஞ்சுகிட்டோம்.

பிறகு பழங்களின் வகைகளும் அதன் பலன்களும் 

தெரிஞ்சுகிட்டோம்.

இப்பொழுது நாம் அன்றாடம் சேர்த்துக் கொள்ளும் 

காய்கறிகளும் அதனுள் உள்ள சத்துக்களையும் 

தெரிந்து கொள்வோம்.

என்னடா இவன் இப்பிடியே பதிவு போடுரானே 

என்று நினைக்க வேண்டாம் நண்பர்களே .

இந்த அவசர உலகத்திலே நாம் வெந்தும் வேகாததுமாக 

அள்ளிப் போட்டுக் கொண்டு ஓடுகிறோம்.

சுவர் இருந்தால் தானே சித்திரம் வரைய முடியும் .

நீங்க ஆரோக்கியமாக இருந்தால் தானே உழைக்க 

முடியும் .பிள்ளைகளை ஆரோக்கியமாக வளர்க்க முடியும்.

அதற்கு நம் உடலில் எனர்ஜி அதாங்க சத்து வேணும் இல்லையா.

நீங்க சாப்பிட உட்காரும்பொழுது காய்கறிகளோ ,பழங்களோ

சாப்பிடும்பொழுது இந்த பதிவ கொஞ்சமேனும் நினைவு வராதா .

சரி நட்புகளே சொல்ல வந்தத சொல்லாம வேற என்னமோ 

சொல்றியேன்னு முனுமுனுப்பது கேட்கிறது.

இதோ தொடங்கிவிட்டேன்.முதலில் பாக்கியராஜிற்கு 

பிடித்த கையிலிருந்து ஆறம்பிப்போம் .

(ஏன் அவருக்கு மட்டும் தான் பிடிக்குமா எங்களுக்கு பிடிக்காதா 

என்று கேட்காதீர்கள் )

முருங்கைக்காய் :

ஆண்மையை தூண்டும். விந்துவை பெருக்கும் .உடல் 

எடையை குறைக்கும் .

எலும்பு வலுப்பெறும். பல் ஈறுகளுக்கு உறுதியளிக்கும் .மலம்

இளக்கும். விதைப் பொடியைப் பாலில் கலந்து அருந்தினால் 

ஆண்மை அதிகமாகும்  

கத்திரிக்காய் : 

  

கத்திரி பிஞ்சு வாத நோயை அகற்றும் .மலத்தை இளக்கும்.

சளி நீங்கும் .சொறி ,சிரங்கு ,புண்ணுக்கு ஆகாது .

அவரைக்காய் :

அவரைப் பிஞ்சு உடலைக் குறைக்க வைக்கும் .மூட்டுவலி,

வீக்கத்தை போக்கும் .மலச்சிக்கலை நீக்கும்.

ஆண்மையை வளர்க்கும்.மலட்டை நீக்கும் .

எலும்புகளை வலுப்படுத்தும். எளிதில் ஜீரணமாகும் .

வெண்டைக்காய் :

மூளை வளர்ச்சியை தூண்டும் .மலத்தை இளக்கும் .
அடிக்கடி உண்டால் பேதி உண்டாகும். வாதத்தை 
அதிகப்படுத்தும். அதனால் வாத நோயாளிகளுக்கு ஆகாது

வெள்ளரிக்காய் :

வெள்ளரிப் பிஞ்சு உடல் நலத்திற்கு ஏற்றது .தாகம் தணிக்கும்.

வயிற்று நோய் தீர்க்கும் .சளி குறையும் .இருமல் அடங்கும்.

தொண்டைப் புண் , இரத்த மூலம் குணமாகும் .உடல் வனப்பு பெறும்.

புடலங்காய் :

கண்பார்வைக்கு நல்லது . முடி வளரும் .விந்து ஊரும்.

வாத நோய் ,சூலை நோய் உள்ளவர்கள் சாப்பிட கூடாது .

என்ன பாக்கிறீங்க காய்கறி பலன் பதிவு இன்னும் வளரும்
என்பதைத் தான் இப்பிடி சிம்பாலிக்கா சொல்லுறேன் ஹி ஹி