உடற்பயிற்சி செய்யலாம் வாங்க -2

நண்பர்களே உடற்பயிற்சி செய்யும் காலை நேரத்தில் 

சுவாசத்தை வாயினால் உள்ளிழுக்கவும் வெளியில் 

விடுவதும் தவறு.

அதே போல் சுவாசத்தை மிகுதியாக அடக்குதலும் தவறு.

முதலில் சுலபாமான உடற்பயிற்சியிலிருந்து ஆரம்பிப்போம்.

பயிற்சி -1

முதலில் நேராக நிமிர்ந்து நிற்கவும்.

பிறகு குதிக்கால்களை மாத்திரம் உயர்த்தவும்.

பிறகு இரு கைகளையும் மார்புக்கு நேராக விறைப்பாக நீட்டவும்.

பிறகு சுவாசத்தை மெதுவாக உள்ளுக்கு இழுத்து அடக்கிக்

கொண்டு உட்கார வேண்டும்.

அப்பிடி உட்காரும் பொழுது நீட்டிய கரங்களை தலைக்கு

மேல் உயர்த்த வேண்டும்.

பிறகு எழுந்து முதல் நிலைக்கு வந்த பின் ,சுவாசத்தை

வெளியில் விட்டு ரிலாக்ஸ் ஆகவும்.

குதிகால் உயர்த்திய படியே இருக்கட்டும் .இப்பொழுது

கைகள் பழையபடி மார்புக்கு நேராக நீட்டியபடி இருக்கும்.

பிறகு மீண்டும் மூச்சை உள்ளுக்கு இழுத்துக் கொண்டு

உட்கார வேண்டும்.

பழையபடியே உட்காரும்பொழுதே கைகளை தலைக்கு

மேலே உயர்த்தவும்.

பிறகு பழைய படி எழுந்து மூச்சை விட்டு ரிலாக்ஸ் செய்யவும்.

இப்பிடியே பத்திலிருந்து இருபது தடவைகள் செய்யவும்.

ஒரு வாரத்திற்கு பிறகு இரண்டிரண்டாக எண்ணிக்கையை

கூட்டவும்.

அவரவர் உடல் பலத்தை பொறுத்து நூறு வரை செய்யலாம்.

குறிப்பு :-

உட்காரும் முன் மூச்சை உள்ளுக்கு இழுத்து கொள்ளவும்.

பிறகு எழுந்த பின்தான் மூச்சை வெளியில் விட வேண்டும்.

உட்காரும் பொழுது மார்புக்கு நேராக நீட்டிய கைகளை

தலைக்கு மேலே உயர்த்த வேண்டும் .

எழும்பொழுது மீண்டும் கைகளை மார்புக்கு நேராக

கொண்டு வரவேண்டும்.

உட்கார்ந்து எழும்பொழுது குதிகால் உயர்த்தியே இருக்க

வேண்டும்.

பயன்கள் :-

   இந்த உடற்பயிற்சியால் வரும் பயன்கள்

இதனால் கண்டைத்தசை,கைகளின் தசை நார், நரம்புகள்

முதலியவை நன்கு முறுக்கேறும்.

உடலில் இரத்த வோட்டம் நன்றாக பரவி சுறுசுறுப்பை

உண்டு பண்ணுகிறது.

Tweet