நாந்தாங்க கீரை பேசறேன்

வணக்கம் நண்பர்களே

இதுவரை வந்த பதிவு அனைத்திற்கும் ஆதரவு தந்து
வாக்களித்து ,பின்னூட்டமிட்டு என்னை உற்சாகமளித்த
அனைத்து நல் உள்ளங்களுக்கும் நன்றி.

ஏற்கனவே பழவகைகள் ,காய்கறிகள் ,கிழங்கு வகைகள்
ஆகியவற்றின் பலன்களை தெரிந்து கொண்டோம் .
கூடவே யாரெல்லாம் இவற்றை எடுத்துக் கொள்ளக்
கூடாது என்பதையும் தெரிந்து கொண்டோம்.

இனி .....கீரைகளும் அதன் நன்மை தீமைகளும் பற்றி
தெரிந்து கொள்வோம்.

அதனை பற்றி நான் சொல்வதை விட அவைகளே
தங்களைப் பற்றி சொல்கிறது கேளுங்கள்

வணக்கங்க, நான்தான் முருங்க கீரை ,



எனது சகோதரன் முருங்க காயை பற்றி
தெரிஞ்சிருப்பீங்க

என்னைய பத்தியும் கொஞ்சம் தெரிஞ்சுக்கோங்க

என்னைய நீங்க சாப்பிட்டா உங்களுக்கு சத்து கிடைக்கும் .
அதாங்க இரும்பு சத்துன்னு சொல்வாங்களே அது.
அப்புறம் இரத்தத்தை சுத்தப் படுத்துவேன் .தாய் பாலை
அதிகமாக சுரக்கச்செய்வேன்.உடம்பிலுள்ள வெப்பத்தை
தனிப்பேன் அதாங்க உடல்சூடு அத குறைப்பேன் .
இதயவலி குணமாக்குவேன் .சிறுநீரைப் பெருக்குவேன் .
முக்கியமா என்னைய தொடர்ந்து சாப்பிட்டா சோகை வராது.

மாசமா இருக்கிறவங்க வாரம் ஒருமுறை சாப்பிட்டா நீர் இறங்கி
கை கால் வீங்காம பாத்துக்குவேன் .


நானும் கெட்டவன் தானுங்க சில பேருக்கு .
வயித்துல புண்ணுள்ளவங்க அதாங்க அல்சர்ன்னு சொல்வாங்களே 
அவங்க என்கிட்டே வர வேணாம். ஆமா சொல்லிப்புட்டேன் .
நான் வரேன்னுங்க .


வணக்கங்க எம்பேரு தண்டுக்கீரைங்க 

நாங்க ரெண்டு ரகமாக இருப்போமுங்க .அதுல நான் சிகப்பு
கலருங்க . எங்க ரெண்டு பேருல நாந்தாங்க நல்ல மாதிரின்னு
சொல்லிக்கிறாங்க . மேலே ஒருத்தன் சொன்னானே அவன் கிட்ட
இரும்பு சத்து இருக்கிறதா ,அதுமாதிரி என்கிட்டே தாமிர சத்து
இருக்குங்க .
என்னைய நீங்க சாப்பிட்டா தோல்வறட்சி நீக்குவேன் ,
மலச்சிக்கலை போக்கி மூலத்தை குணமாக்குவேன் .
நானும் சிறுநீரை பெருக்குவேன் .
உடம்புக்கு குளிர்ச்சியும் தருவேணுங்க .

நீங்க எல்லாம் என்னைய பாசமா பாக்கிறதால உங்க கிட்ட ஒரு ரகசியம் சொல்றேன்.கிட்ட வாங்க .என்னைய தினசரி சாப்பிடாதீங்க .
ஏன்னா அப்பிடி சாப்பிட்டீங்க்கனா கை கால தளர்ச்சியாக்கிடுவேன் .
உணர்வை குறைச்சிடுவேன் . மாத விலக்கு ஏற்படும்பொழுது அத அதிகப்படுத்திடுவேன் .
குறிப்பா உடம்பு தடிச்சு போனவங்களுக்கு நான் லாயக்கி இல்லீங்க 


சரிங்க நானும் உத்தரவு வங்கிக்கிரேனுங்க


நன்றி

தங்கள் மேலான கருத்தையும் ,வாக்குகளையும்
எதிர்பார்க்கும் உங்கள் நண்பன்

உங்கள் அருகில் இரட்டை முகத்தோடு வாழ்பவர்களை
அறிந்துகொள்ளுங்கள் . முன்னொன்று பேசி புறம் ஒன்று
பேசும் அவர்களை நீங்கள் நாசுக்காக விலக்கினால்
சண்டை சச்சரவு இல்லை .