பூவிற்குள் இருக்கும் ரகசியம்

பூக்களின் பலன்கள் -பாகம் -4

பூக்களில் ரோஜா ,மல்லி ,செம்பருத்தி இவைகளின்
பலன்கள் தெரிந்து கொண்டோம் ,நண்பர்களே
இவற்றினை தொடர்ந்து நாம் பார்க்க போவது ..

வெள்ளை அல்லிப்பூ :-



இதுவும் உடல் சூட்டை தணிக்கும் .
ஆண்களின் இனப்பெருக்க உறுப்பு தொடர்பாக ஏற்படக்
கூடிய பிணிகளை இது ஆற்றும்.
கண்களில் தோன்றும் நோய்களுக்கு அல்லிப்பூவை அரைத்து
கட்டலாம் .

அல்லி சர்பத்:-

   வெள்ளை அல்லி 50 கிராம் ,ஆவாரம்பூ 50 கிராம் இரண்டையும்
இரண்டு லிட்டர் தண்ணீர் விட்டு கொதிக்க வைத்து ஒரு
லிட்டராக சுண்டியதும் இறக்கி வடிகட்டி ,அன்நீருடன் ஒரு
கிலோ சர்க்கரை சேர்த்துக் காய்ச்சி பாகு பதம் வந்ததும்
இறக்கி ஆறவைத்து பாட்டில்களில் ஊற்றி மூடி வைக்க
வேண்டும்.

இந்த சிற்பத்தை காய்ச்சி ஆற வைத்து நுறு மில்லி பாலில்
இரண்டு அவுன்ஸ் அளவு கலந்து காலை மாலை சாப்பிட்டு
வர சிறுநீரக கோளாறுகள் ,நீரிழிவு ,மற்றும் ஆண்களின்
பிறப்புறுப்பு ரணங்கள் ,உஷ்ண நோய்கள் யாவும் தீரும்.

ஒரு அவுன்ஸ் அல்லிமலர் சாருடன் இரண்டு கிராம் செந்தூரம்
கலந்து தொடர்ந்து உட்கொண்டு வந்தால் எல்லா வகையான
காச நோய்களும் தீரும்.

தாமரை பூ:-


வெள்ளை தாமரை :-

  வெள்ளை தாமரை பூவை பறித்து வந்து,சுத்தம் செய்து நீரிலிட்டு
காய்ச்சி கசாயமாக்கி காலை,மாலை இருவேளை அரை தம்ளர்
வீதம் குடித்து வர தலையிலுள்ள செம்பட்டை முடி கருத்த
நிறமாக மாறும்.

இரத்த கொதிப்பு அடங்கும்.இருதயம் பலப்படும்.

இம்மலரை உலர்த்தி பொடியாக்கி பாலில் கலந்தும் குடிக்கலாம் .
இதில் வெள்ளிச் சத்துள்ளது .மூளைக்கு பலம் தரும்.

செந்தாமரைப்பூ :-

   இது தங்க சத்துடையது .இரத்தத்தை சுத்தி செய்யும்.
இதய பலம் உண்டாகும்.இதுவும் இரத்த கொதிப்பு ,
மாரடைப்பு நீக்கும்.



அகத்திப் பூ :-

    இப்பூவை சமைத்து உண்டால் வாய்ப்புண் ,வயிற்றுப் புண்
குணமாகும்.உடலின் வெப்பம் தணிந்து உடல் தேரும் .

ஜீரண சக்தி ஏற்படும்.

இப்பூவை நிழலில் உலர்த்தி வைத்தும் பயன்படுத்தலாம் .

எங்கேயும் எப்போதும் பட பாடல் ஒன்று