யோகா கற்றுக்கொள்ளுங்கள்

நண்பர்களே இதையும் தெரிந்து கொள்ளுங்கள் என்ற பதிவில்
இயற்கை சிகிச்சை முறைகளையும் ,யோகா வகைகளையும்
குறிப்பிட்டு ஓரு பதிவிட்டிருந்தேன் .



அதில் நண்பர்கள் ரமணியும் ,செங்கோவியும் அதற்கான விரிவான
செயல்முறைகளையும் தந்தால் நன்றாக இருக்கும் என்று
சொல்லியிருந்தார்கள் .

என்னால் முடிந்த அளவுக்கு தர முயற்சிக்கிறேன் ,ஏனென்றால்
ஒரு சில பயிற்சிகள் ஆசிரியர் முன்பு பயின்றால் நன்று.

மேலும் இதற்கான படங்கள் சேகரிக்க இயலவில்லை ,அதனால்
ஒரு சில பயிற்சி முறைகளை எழுத்து வடிவில் (தியரி)தருகிறேன் .

புரிந்து கொள்ள முடிந்தால் மற்றதையும் தருகிறேன் நண்பரே .

தாடாசனம்

செய்முறை :-

பாதங்களை சேர்த்தோ அல்லது சிறிது இடைவெளி வைத்தோ

நேராக நிற்கவும் .கைகளை பக்கத்தில் வைக்கவும்.

மெதுவாக மூச்சை உள்ளே இழுத்தவாறு கைகளையும் ,

குதிகால்களையும் தூக்கவும்.

பின்னர் நிதானமாக மூச்சை வெளியேற்றியவாறு கைகளையும்,குதிகால்களையும் கீழே பழைய நிலைக்கு

கொண்டு வரவும்.

இவ்வாறு எட்டு முதல் ,12 முறை செய்யவும்.

ஆசனம் செய்வதற்கு கடினமாக இருந்தால் ஜன்னல்

கம்பிகளை பிடித்தபடி (ஆரம்பத்தில் ) குதி கால்களை

உயர்த்தவும்.

பயன்கள் :-

தசைகளை ,மூட்டுகளை வலுப்படுத்தும். உடம்பை வளர்க்கும்.

எச்சரிக்கை :-

குதிகால் வலி, முடக்கு வாதம் உள்ளவர்கள் கவனமாக செய்யவும்.

வீரபத்ராசனம்

செய்முறை :-

இடது காலை முன் வைத்து நேராக நிற்கவும்.

முன்காலுக்கும்,பின்காலுக்கும் சுமார் 2 முதல் 3 அடி 

வரை இடைவெளி இருக்கலாம் .

கைகள் பக்கத்தில் இருக்கவேண்டும்.

மூச்சை மெதுவாக உள்ளே இழுத்தவாறு கைகளைத் 

தூக்கியபடி முன் முட்டியை மடிக்கவும்.

பின்னர் மூச்சை நிதானமாக வெளியேற்றியவாறு 

கைகளை கீழேயும்,முன் முட்டியை நேராக பழைய

நிலைக்கு கொண்டு வரவும்.

இவ்வாறு 6 முதல் 8 முறை செய்யவும்.பின்னர் வலது 

காலை முன் வைத்து இதே போல் செய்யவும்.

பயன்கள் :-

இடுப்பு வலி ,கழுத்து வலி இவைகளுக்குப் பயனளிக்கும்.

எச்சரிக்கை :-

மூட்டு வலி இருப்பவர்கள் தவிர்க்கவும்.

 நன்றி 

படங்கள் இல்லாமல் இந்த ஆசனங்கள் செய்வதற்கு புரிந்து
கொள்ள முடிகிறதா நண்பர்களே .

தங்கள் கருத்தினை சொல்லுங்கள்