கேள்வி என்னிடம் பதில் உங்களிடம்

நண்பர்களே இன்று உங்களிடம் ஒரு கேள்வி 

ஒரு எலுமிச்சை தோட்டம் .அந்த ஊரிலேயே அந்த ஒரு 
எலுமிச்சை தோட்டம் தான் .


அதனுள்ளே யாரும் அத்து மீறி உள்ளே செல்லக் கூடாதுன்னு
அதற்கு கடுமையாக பாதுகாப்பு போட்டுள்ளார்கள் .



அதனுள்ளே போக வேண்டும் என்றால் ஏழு கேட் (வாசல் )
தாண்டி தான் போக வேண்டும்.


ஏழு வாசலுக்கும் ஏழு காவல் காரன் (ஒரு கேட்டிற்கு ஒரு 
காவல் காரன் )


நம்ம ஹீரோவுக்கு எலுமிச்சம் பழம் தேவைப்பட்டது .கையில் 
காசும் இல்லை .எப்பிடியாவது வீட்டுக்கு எலுமிச்சம் பழம் 
எடுத்துக்கொண்டு போகவேண்டும் .மிகவும் அத்தியாவசியம் .


சரி காவல்காரனிடம் பேசி பார்ப்போம் என்று முதல் காவல் 
காரனிடம் சென்று கேட்கிறான் .ஐயா எனக்கு எலுமிச்சம் 
பழம் தேவைப்படுகிறது .எப்பிடியாவது உதவி பண்ணுங்கள் 
என்று பரிதாபமாக கேட்கிறான் .


காவல் காரனும் பரிதாபப் பட்டு சரி பறித்துக் கொள் .ஆனால் 
ஒரு கண்டிசன் என்கிறான் .


ஹீரோவும் என்னவென்று கேட்க ....


காவல் காரன் ஹீரோவிடம் நீ எலுமிச்சம் பழம் எத்தனை 
வேண்டும் என்றாலும் பறித்துக் கொள் .ஆனால் நீ கொண்டு 
செல்லும் பழங்களில் பாதி எனக்கு தந்து விட வேண்டும் 
என்று சொல்கிறான் .


அதற்கு ஹீரோவும் 
சரி ஐயா , நான் கொண்டு போகும் பழங்களில் பாதி உங்களுக்கு 
தந்து விடுகிறேன் ,அதிலிருந்து ஒரு பழத்தை மட்டும் எனக்கு 
திருப்பி தந்து விடுங்கள் .
என்று சொல்கிறான் .


காவல்காரனும் ஒத்துக் கொள்கிறான் .


இதே போல் ஏழு காவல் காரநிடமும் பேரம் பேசிக்கொண்டு 
தோட்டத்தில் சென்று பழம் பறித்துக்கொண்டு வீட்டுக்கு 
எடுத்து செல்கிறான் .

கேள்வி :- அவன் தோட்டத்தில் எத்தனை பழங்கள் பறித்தான் .
வீட்டுக்கு எத்தனை பழங்கள் எடுத்து சென்றான் .

கண்டிசன் :- எந்த ஒரு பழத்தையும் அரிய கூடாது .முழுசாக 
தான் இருக்க வேண்டும்.



எங்கே சொல்லுங்கள் பார்க்கலாம் இந்த சிம்பிளான கேள்விக்கான
பதிலை .


சரி அடுத்து

மனதில் தோன்றிய கிறுக்கல் 


எங்க ஊரிலும் 
ஆறு இருக்கு 
ஆற்றில....
மணல் இல்லை 
மணல் எல்லாம் 
ஊருக்குள்ள வீடாச்சு
அதை ...
வித்தவன் கல்லாவில 
காசாச்சு 
அதனால 
எங்க ஊரிலும் 
ஆறிருக்கு
ஆற்றுல 
மணல் இல்லை 

நன்றி நண்பர்களே 




டிஸ்கி :- அனைவரும் பதில் சொன்ன பிறகு விடை சொல்கிறேன் நண்பர்களே