அட ..கஞ்சி குடிக்கலாம் வாங்க

சம்பா அரிசிக் கஞ்சி

தன்மை : குளிர்ச்சியும் , சிலிர்ப்பும் ஆகும்

நன்மை : குடலிலும் , தீனிப்பையிலும் சூட்டை அகற்றும்

நோய் : நீரை அதிகமாக விளைவிக்கும் , மூத்திரப் பெருக்கு
உண்டாக்கும் , குளிர்ந்த உடலுக்கு காற்று அதிகரிக்கும்

மாற்று : குல்கந்து , புதினா இலை






நாட்டுக் கோதுமை அரிசியின் கஞ்சி 

தன்மை : குளிர்ச்சியும் , வறட்சியும் ஆகும்

நன்மை : சூட்டை அகற்றும், குடலுக்கு பலம் கொடுக்கும்
எலும்புருக்கிக் காய்ச்சலுக்கும் , ஈளை இருமலுக்கும் 
ஈரல் சம்பந்தம்மான சூட்டுக்கும் பயன்படும்,பத்தியத்திற்கு
உதவும், 

நோய் : வயிறு உப்பும் , மந்திக்கும் , காற்றை உண்டு பண்ணும்

மாற்று : குல்கந்து , பனி நீர்





பச்சை பயறு அல்லது உளுத்தம் பயறு கஞ்சி 

தன்மை : குளிர்ச்சியும் , சிலிர்ப்பும் ஆகும்

நன்மை : சூட்டை அகற்றும் , பலஹீனருக்கும் ,சூட்டு உடலுக்கும்
சுரத்துக்கும் , ஆகும். இதில் மாமிசம் சேர்த்துக் கொண்டால் அதிக
புஷ்டி கொடுக்கும்

நோய் : குளிர்ச்சி சம்பந்தமான உடல் உடையவர்களுக்குப்
பயன்படாது

மாற்று : சுக்கு , சீரகம் , வெள்ளுள்ளி (வெண் பூண்டு)





பால் கஞ்சி 

தன்மை : குளிர்ச்சியும் , சிலிர்ப்பும் ஆகும்

நன்மை : உடலில் உள்ள சூட்டை மாற்றும் , பலம் உண்டாக்கும்
உடலில் உள்ள உள் புண்களை ஆற்றும் . நீர்ச்சுருக்கை மாற்றும்

நோய் : தீனிப் பைக்கும் ஈரலுக்கும் ஆகாது ,நீர் பெருகும்

மாற்று : கற்கண்டு , வெள்ளைச் சர்க்கரை





கொள்ளுக் கஞ்சி

தன்மை : சூடும் , வறட்சியும் ஆகும்

நன்மை : களைப்பு தீரும் , உடல் வலிப்பைத் தீர்க்கும் ,உடல் 
ஸ்தூலத்தை மாற்றும் . நீர்த்தாரையில் விளையும் கற்களைப்
பொடியாக்கி விடும் , நீர்ப்பெருக்கை மாற்றும்

நோய் : சூடு அதிகரிக்கும்

மாற்று : நெய் ,பால் , வெண்ணெய்





பச்சை அரிசிக் கஞ்சி

தன்மை : குளிர்ச்சியும் , சிலிர்ப்பும் ஆகும்

நன்மை : உடல் தழைக்கும் , சூட்டை அகற்றும் , வலிமை
உண்டாகும், பசியை அடக்கும் ,அழகு உண்டாகும்

நோய் : மந்திக்கும் , நீரைப் பெருக்கும் , வயிறு வலிக்கும்

மாற்று : நெய் , பால் , சர்க்கரை



தொடரும் ....................