முட்டை சாப்பிடுவீங்களா ?அப்ப அதன் குணத்தை தெரிந்து கொள்ளுங்கள்

பதார்த்த குணங்கள் பாகம் - 3

முந்தைய பதிவு ஆட்டிறைச்சியின் குணங்கள் 

கோழி, முயல், உடும்பு, ஒட்டகம் சாப்பிடுவீங்களா ? அப்ப இத படிங்க

கோழி முட்டை 

தன்மை : சூடும் , கொழுமையும் ஆகும்

நன்மை :  விந்து விளையும் , தாது விருத்தி அதிகரிக்கும்.
உடல் தழைக்கும் , இரத்தம் அதிகரிக்கும் , சூட்டைப் பற்றிய
பீனிசத்தை மாற்றும், கோழி முட்டையை அரைவரிசை
வேகவைக்கும் பொழுது இந்த குணங்களை காட்டும்.

நோய் : அதிகமாக வெந்தால் காற்று அதிகரிக்கும் ,மந்தப்படும்

மாற்று : சூட்டு உடலுக்கு நாட்டுக்காடி , குளிர்ச்சி உடலுக்கு
குல்கந்து

வாத்து முட்டை 

தன்மை : குளிர்ச்சியும் ,சிலிர்ப்புமாகும்

நன்மை : உடல் வலிமை ஏற்படும் , உடல் பருக்கும்

நோய் : மந்திக்கும் , வயிறு வலிக்கும் , காற்று அதிகரிக்கும்

மாற்று : இஞ்சி , சீரகம் , கொத்தமல்லி

புறா முட்டை

தன்மை : சூடும் ,கொழுமையும் ஆகும்

நன்மை : ஜீரணப் படும் , நீர் சம்பந்தமாக நோய்களைக்
கண்டிக்கும் , உடல் தழைக்கும் , தாது அதிகரிக்கும் ,
விந்து விளையும்

நோய் : சூடு , உண்டாகும்

மாற்று : பசுவின் நெய்யில் பொரித்துக் கொள்ளவும்

மயில் முட்டை 

தன்மை : சூடும் , வறட்சியும் ஆகும்

நன்மை : பிடிப்புகளை மாற்றும் , கடிகளை நீக்கும் , வலிமை
உண்டாக்கும் , ஜீரணப்படும்

நோய் : சூடு , உண்டாக்கும்

மாற்று : கொத்தமல்லிக் கீரை ,வெங்காயச் சாறு

காக்கா முட்டை 

தன்மை : சூடும் , வறட்சியும் ஆகும்

நன்மை : மண்ணீரலுக்கு வலிமை தரும் , காமாலை , பித்தம்
பாண்டு , சோகை , இவைகளை நீக்கும் , ஜீரணமாகும் ,
கண்ணொளி அதிகப்படும்

நோய் : சூட்டு உடம்புக்கு பயன்படாது

மாற்று : வெங்காயச்சாறு , கொத்தமல்லி கீரை

ஆமை முட்டை 

தன்மை : குளிர்ச்சியும் , வறட்சியுமாகும்

நன்மை : வலிமை தரும் , உடல் தணியும் ,அதிசார பேதிகளை
கட்டி விடும் , குடலுக்கு வலிமை உண்டாகும்

நோய் : நெஞ்சு கரிக்கும

மாற்று : ஏலம் , சீரகம்

மீன் முட்டை

தன்மை : சூடும் , குளிர்ச்சியும் ஆகும்

நன்மை : உடல் தழைக்கும் ,பலம் ஏற்படும் ,அதிசார பேதிகளை
நிறுத்தும் .

நோய் : வயிற்றில் களிம்பு கட்டும்

மாற்று : மிளகு , கடுகு , சீரகம்


தொடரும்................





நன்றி : 


படங்கள் உதவி கூகிள்
தகவல் : பதார்த்தகுண சிந்தாமணி என்ற புத்தகத்திலிருந்து

Tweet