மனம்போல் வாழ்க்கை -6

மனம்போல் வாழ்க்கை 

பாகம் –6

நமது மனம் போல் வாழ்க்கை பதிவின் தொடர்ச்சியாக நாம் பார்க்க போவது,

பலவீனம் பற்றி ,

உணரப்படாத வரையில்

பலவீனம்

நமது எஜமான்

உணர்ந்து விட்டால்

நம் சேவகன் .

என்பது முன்னோர்கள் வாக்கு

யோசித்து பாருங்கள் , உங்களுடைய பலவீனங்கள் உங்களுடையது மட்டுமே.

உங்களுடைய பலவீனங்கள் உங்களுக்கு தெரியாமல் இருக்க முடியாது .

அவற்றை பற்றி நீங்கள் யோசிப்பது கிடையாது  என்பதே உண்மை .

ஒருவர் எவ்வளவு சிறப்பாக வாழ்ந்தாலும் , ஒவ்வொருவர்க்கும் ஒரு பலவீனம் இருக்கும் .

உதாரணத்திற்கு முன்கோபம் ஒரு பலவீனம் .அது திடீரென்று வெளிபடுகிறபோது அதை நம் முன்கோபம் என்று நாம் ஏற்று கொள்வதில்லை .

அதை நியாய படுத்த முயற்சிப்போம். அதற்கான காரண காரியங்களை கண்டுபிடித்து ,இன்னொருவரை அதன் இலக்காக்கி சமாதானம் தேட முயற்சிக்கிறோம் .

சில சமயங்களில் அந்த பலவீனத்தையே நம்முடைய பலம் போல் நிரூபிக்கவும் முயற்சிக்கிறோம் .

நம்முடைய பலவீனத்தை மற்றவர்களின் மீது ஏற்றி அவர்களுடைய பலவீனம் போல் காட்ட முயற்சிக்கிறோம்

இதுதான் நம்மில் பெரும்பாலோரிடம் இருக்கின்ற மிகப் பெரிய பலவீனம் .

முன்கோபம் போல் நம் ஒவ்வொருவரிடமும் வேறு எத்தனையோ பலவீனங்கள் இருக்கின்றன .

மற்றவர்களை நாம் குறை சொல்வதற்கு முன் ,அந்த குறைக்கும் 

தமக்கும் ஏதேனும் தொடர்புள்ளதா என்பதை சிந்தித்து பார்க்க

 வேண்டும். அதாவது அந்த குறை நம்மால் ஏற்பட்டதா 

என்று சிந்தித்து பார்க்க வேண்டும் .

நம்முடைய பலவீனங்கள் நாம உணர தொடங்கினால் ,அதிலிருந்து

 நாம் உடனடியாக விடுபட முடியா விட்டாலும் ,நம்முடைய குறைபாடுகளுக்கு மற்றவர்களை பலிகாடாக ஆக்கும் பழக்கத்தில் இருந்தாவது விடுபட முடியும்.

முன் கோபம் மட்டுமல்ல நம் பலவீனம் எல்லாவற்றையும் புறந்தள்ளி விட்டு சந்தோசமாக வாழ பாருங்கள் .

என்ன நண்பர்களே போரடிக்கிறேனா.

இதோ முடித்து கொண்டேன் .

அதற்காக கருத்தும் வாக்கும் மறக்காதீர்கள்  நண்பர்களே 

நல்லா டார்ச் அடிச்சி பாருங்க டாக்டர் ,ரெண்டு நாளா ஒரே பல்வலி 

ஒரு எலும்பு கூட கடிச்சி திங்க முடியல 

(பய புள்ள ஒரிஜினல் டாக்டர் தானா ,ரொம்ப நேரமா டார்ச் 

அடிச்சி பார்க்கிறான் ,ஆனால் ஒன்னுமே சொல்ல மாட்டேன்கிரானே )