பதிவுலக நட்பிற்கு நன்றி

பதிவுலக நண்பர்கள் அனைவருக்கும் 

எனது அன்பான வணக்கங்கள்

இன்றைய பதிவு எனது நூறாவது பதிவாகும் 

நட்புக்காக , நண்பர்களின் அன்பிற்காக இந்த 

அன்பு உலகத்தை தொடங்கினேன் .

பெற்றேன் பல நட்புகளை , நனைந்தேன் அவர்களின்

அன்பு மழையில்.

எனது முதல் பதிவிலிருந்து நூறாவது பதிவு வரை

என்னை அன்போடு வளரவைத்த அனைத்து நல் 

உள்ளங்களுக்கும் நன்றி நட்புகளே

புதியவன் என்று ஒதுக்காமல் தங்கள் அன்பால் என்னையும்

உங்களோடு, உங்களில் ஒருவனாக என்னைப் பிணைத்து ,

பின் தொடர்ந்தும் ,பின்னூட்டமிட்டும் ,வாக்களித்தும் என்னை

எழுத தூண்டிய அனைவருக்கும் நன்றி நன்றி நன்றி.

இனி வரும் நட்புக்கும் எனது நன்றியை 

தெரிவித்துக்கொள்கிறேன்

நகைச்சுவை :-

 ஜோதிடர்:-  நீங்கள் இந்த ஜாதகரை திருமணம் செய்து 
             கொண்டால் உங்கள் தோஷம் போய்விடும் .

 ஒருவர் :-  என்ன தோஷம் ஜோசியரே ?

 ஜோதிடர் :-  சந்தோசம்

 ஒருவர் :- !!!!!!!!!!!!!!!!!!!!!!!!!!!!!!

விளம்பரம் :-

மனைவி : (பிள்ளையை பார்த்து ) திவ்யா கம்யூட்டரை 

தொடாதே ,அப்புறம் உங்க அப்பா வந்தா திட்டுவாரு 

கெட்டு போவ ,படிப்பு போவும்,இப்பிடி அப்பிடி ...

(கணவன் வருவதைப் பார்த்து )சொல்லிக்கிட்டே இருந்தேன்

நீங்க வந்துட்டீங்க

கணவன் :-என் பிள்ளைகளுக்கு அதைப் பத்தின கவலை 

தேவை இல்லை .

அன்பு உலகம் போன்ற தளங்கள் இருக்க கவலை எதுக்கு !!!

அசிரிரி

ஆம் அன்பு உலகம் நண்பர்கள் பரிந்துரைக்கும் நல்ல தளம் .

மன இயல் :-

“ மனம் எனும் மாடு அடங்கில்

  தாண்டவக் கோனே

  முத்தி வாய்ந்த தென்று ஆடேடா

  தாண்டவக் கோனே !”  :-  இடைக்காட்டு சித்தர்

மருத்துவ குறிப்புகள் :-

  உணவே மருந்து ,மருந்தே உணவு

இதில் எது வேண்டும் உங்களுக்கு ,

நீங்களே தீர்மானியுங்கள்

அளவோடு உண், தேவையானது உண் ,

சேராததை உண்ணாதே .

இல்லையேல் உணவே விஷமாகும் .

பசிக்காக சாப்பிடு ,ருசிக்காக சாப்பிடாதே .

பசித்து உண் ,

நன்றாக மென்று விழுங்கு .

அரை வயிறு உணவு ,கால் வயிறு நீர் ,கால் வயிறு 

காற்று என்று பழகிக்கொள் .

கவிதை :-

காதலிக்கும் பொழுது

காதலி அவன் 

சிந்தையை மறைக்கும்

அழகாக தெரிவாள்

கல்யாணத்திற்கு பிறகு

அவளை தவிர

அனைவரும்

அழகாய் தெரிவார்கள்

உலகில் அனைத்தையும் காதலி 

காதலிக்கும் பொழுது

அதன் குணங்களை காதலி

காலத்தால் அழியாது காதல்

மாறாக உருவத்தை காதலித்தால்

அதன் மோகம் தீர்ந்த உடன்

காதலும் மறைந்து விடும் .

தத்துவங்கள் :-

எந்த தொழிலாக இருந்தாலும் அதனைப் பற்றிய

அறிவு (தெளிவு) இல்லாமல் அதில் இறங்காதே .

வீட்டிலேயும் ,நாட்டிலேயும் விட்டு கொடுத்தால் 

சண்டை இல்லை

சச்சரவும் இல்லை எங்கும் .

உயிர்களை நேசி மனிதனாவாய்

உயிர்களை கொன்றால் மிருகமாவாய்

நூறின் சிறப்பு:-

கிரிக்கெட் விளையாட்டை எடுத்து கொள்வோம் .

அதில் நூறாவது ரன் எடுக்கும் பொழுது கிடைக்கும் 

சந்தோசம் அதற்கு முன்பு எடுக்கும் ரன்முதல்

அதற்கு பின் எடுக்கும் ரன் வரை கிடைப்பதில்லை .

செஞ்சுரி என்பது தானே பெயர் வாங்கி கொடுக்கிறது .

மதிப்பு என்பது நூறை வைத்து தானே சொல்கிறார்கள்.

நூற்றுக்கு இவ்வளவு என்று.

ஏன் அவசர போலீசே நூறு தானே

திரைப்படமோ ,சின்னத்திரை நாடகமோ நூறாவது 

நாளோ ,நூறாவது எபிசோடோ எட்டினால் சந்தோசம்

அவர்களுக்கு.

இப்பிடி சொல்லிகிட்டே போகலாம் நூறைப்பற்றி.

அப்பிடி பட்ட நூறை எட்டிய என்னை ஊக்குவித்த

அனைத்து நல் உள்ளங்களுக்கும் நன்றி நன்றி நன்றி