கீரைகளின் பலன்கள் பாகம் -3

கீரைகளின் பலன்கள் பாகம் -1


http://thulithuliyaai.blogspot.com/2011/09/blog-post_06.html

கீரைகளின் பலன்கள் பாகம்-2


http://thulithuliyaai.blogspot.com/2011/09/2.html



பாகம் -3......


வல்லாரை கீரை:

இதற்கு சரஸ்வதி கீரை என்ற பெயரும் உண்டு .அதாவது
நல்ல ஞாபக சக்தி தரும்.குழந்தைகளுக்கு அதனால் நல்ல
படிப்பும் தரும்.

வல்லாரை கீரை இளைத்த உடலை தேற்றும் .வெப்பம் தரும்.
சிறுநீரை பெருக்கும்,வாதம் ,வாய்வு போக்கும் .மேக நோய்
அண்டவீக்கம்,குட்டம் ,உன்மத்தம் ஆகியவை தீரும்.

வல்லாரை ,கீழாநெல்லி இரண்டும் சம அளவு எடுத்து அரைத்து
நெல்லிக்காயளவு கொடுத்தால் சிறுநீர் எரிச்சல் ,நீர்த்தாரை புண்
ஆகியவை குணமாகும்.

புளிச்ச கீரை :-

உடலுக்கு வளமூட்டும் ,வயிற்றுப் புண் ஆற்றும்.இக்கீரையை
வெங்காயம் ,வெந்தயம் சேர்த்துக் கூட்டு செய்து தினம் மூன்று
வேளை சாப்பிட்டால் தீராத வயிற்றுக் கடுப்பும் இரத்தப் போக்கும்
குணமாகும்.

தூதுவளை :-

இதனை உண்டால் வெப்பம் தரும்.சளியை போக்கும்.நுரையீரலை
தூய்மை படுத்தும்.விந்து பெருகும்.இதன் பூ ஆண்மையை உண்டு
பண்ணும.இதய தாக்குதல்,மாரடைப்பு வராமல் பாதுகாக்கும்.
அறிவு வளரும்.

மஞ்சள் கரிசலாங்கண்ணி :-

  இது மஞ்சள் நிற பூ பூக்கும் .தங்க சத்துடயது. இது முக்கியமாக
கல்லீரல் ,மண்ணீரல் ஆகியவற்றுக்கு சக்தியளிக்கும் .இரத்தத்தை
சுத்தி செய்யும். கண்ணுக்கு ஒளி தரும் .இதற்கு கரிசாலை என்ற
பெயரும் உண்டு.

வெள்ளை கரிசலாங்கண்ணி :-

  இது வெள்ளை நிற பூ பூக்கும் .வெள்ளி சத்துடயது.இதுவும்
கல்லீரல்,மண்ணீரல் ஆகியவற்றுக்கு சக்தியளிக்கும் .
மஞ்சள் காமாலையை போக்கும்.இரத்தம் சுத்தியாகும்.

தொய்யல் கீரை :-

   நாடி நரம்புகளை பலப்படுத்தும்.மலச்சிக்கலை போக்கும்.
ஜீரண சக்தியை உண்டு பண்ணும.வாத நோயாளிக்கு ஏற்றது.
பேறு காலத்திற்கு பின் மகளிர் சாப்பிட உடலைத் தேற்றும்.

முட்டைகோஸ் :-

  உடலுக்கு குளிர்ச்சி தரும்.வயிற்று புண்ணை ஆற்றும்.
குடலுக்கு பலமூட்டும்.மலம் இளக்கும்.உடலுக்கு வனப்பும்
வலிமையையும் தரும்.

டிஸ்கி :-


      கீரைகள் சமைக்கும் பொழுது கூடவே மிளகும் சீரகமும் 
சேர்த்து சமைப்பது நலம் .அப்பொழுது தான் கீரைகளிலுள்ள 
விஷத்தன்மைகள் முறியும் .அதனால் ஏற்படும் ஒவ்வாமை 
நீக்கும்.