உடற்பயிற்சி செய்யலாம் வாங்க -பாகம் -6

நண்பர்களே வணக்கம் .கருவிகள் ஏதுமின்றி உடற்பயிற்சி செய்வது எப்பிடி என்று பார்த்து வந்தோம் .

அதில் நான்கு உடற்பயிற்சி பார்த்தோம். படிக்காதவர்கள் கீழே உள்ள லிங்கில் சென்று படித்துக்கொள்ளவும்.



பாகம் -5

பாகம் -4

பாகம் - 3

பாகம் - 2

பாகம் - 1


மேலே உள்ள முகவரியில் சென்று முந்தைய பயிர்சிகளை 
படிக்காதவர்கள் படித்து விட்டு தொடருங்கள்

பயிற்சி :- 5

 முதலில் நேராக நிற்கவும் , இரு கால்களுக்கும் இடையில் 
ஒரு அடி இடைவெளி இருக்கட்டும் . அதாவது காலகளை 
அந்த அளவுக்கு அகட்டிக் கொள்ளவும்.


பிறகு முன்புறமாக குனிய வேண்டும், முழுக்க குனிய 
வேண்டாம்.


பாதியளவிற்கு குனிந்து , முகம் தரையை நோக்குமாறு 
வைத்துக் கொள்ளவும்.


அதன் பிறகு இரு கைகளையும் பக்கங்களில் நேராக நீட்டவும்.


இந்நிலையில் இருந்து கொண்டு மூச்சையடக்கிய வண்ணம் 
இடது கையை , வலது காலின் அருகே , உள்ளங்கை தரையில
படும்படி யாகவைத்து , வலது கையை உயரே தூக்கவும்.
(மேலே படம் பார்க்கவும் )


சற்று நேரம் அந்த நிலையில் இருந்து விட்டு பிறகு முதல் 
நிலைக்கு வந்து மூச்சை மெதுவாக வெளியில் விடவும்.


அதன் பிறகு மூச்சை பிடித்துக் கொண்டு வலது கையை 
இடது காலின் அருகே உள்ளங்கை தரையில் படும் படியாக
வைத்து இடது கையை உயரே தூக்கவும்.


இவ்வண்ணம் கைகளை மாற்றி மாற்றி தரையில் ஊன்றிச்
செய்யும் இப்பயிற்சியை எட்டு , பத்து தடவைகள் செய்யலாம்.


இதனால் இடுப்பு வலது இடது பக்கமாக முறுக்குகிறது . 
அதனால் உள்ளுறுப்புகளுக்கு அநேக நன்மைகள் ஏற்படுகிறது .
அவைகள் எப்பொழுதும் விழிப்புடன் வேலை செய்கின்றன.


இதனால் கைநரம்புகளும் முதுகு தசைகளும் கூட நல்ல 
பலம் பெறுகிறது .


அனைத்தும் சேர்ந்து உடலுக்கு மெருகூட்டுகின்றன.

நன்றி :-

படங்கள் உபயம் இணையம் மற்றும் 123RF