உடற்பயிற்சி செய்யலாம் வாங்க -1

நோயற்ற வாழ்வே குறைவற்ற செல்வம்

சுவர் இருந்தால் தான் சித்திரம் வரைய முடியும்

என்ன இது வெறும் பலமொழியாகவே இருக்குன்னு
பார்க்கறீங்களா !



இந்த அவசர காலத்துல வெந்தும் வேகாமலும் ,பற்களால்
அரைத்தும் ,அரைக்காமலும் (அப்பிடியே விழுங்குதல் )
சாப்பிட்டோம் என்று ஓடிக்கொண்டிருக்கிறோம் .

உடல் ஆரோக்கியத்திற்காக நாளின் சில மணித்துளிகளை
ஒதுக்கினால் உடலும் ஆரோக்கியமாகும் .

அதற்கு உடற்பயிற்சி செய்ய வேண்டும். உடற் பயிற்சி
செய்ய ஜிம் போகணும் அதற்கு எங்கே நேரம் உள்ளது .
என்று நீங்கள் எண்ணலாம் .

ஏன் வீட்டிலேயே செய்யலாமே என்றால் அதற்கான
கருவிகள் வீட்டில் வாங்கி வைக்க பணமும் ,இடமும்
வேண்டும்.

வேண்டாமே கருவிகள் ஏதும் வேண்டாமே .
கருவிகள் உதவி இல்லாமல் நாம் உடற் பயிற்சி
செய்வோம் வாருங்கள் .

நமது உடலில் இருவகை தசைகள் உண்டு .அவை
மனதிர்கேற்றப்படி அசையும் தசைகள் ,மனதிற்கு
இசையாத தசைகள் அதாவது தற்செயலாக செயல்படும்
தசைகள் என்று உண்டு.

உடலில் சுமார் நாலாயிரத்து நூற்றிருபத்தாறு தசை நாறுகள்
இருப்பதாக உடற்பயிற்சி நூல்களில் குறிப்பிட்டுள்ளதாக
சொல்வார்கள் .

இந்த உடற்பயிற்சி மூலம் நம் கட்டுக்குள் கொண்டு வரலாம்
சோம்பல் ,நோய் போன்றவைகள் கிட்டே அண்டவிடாமல்
தடுப்பதோடு அல்லாமல் உடலும் பார்க்க அழகாக இருக்கும்.

உடற்பயிற்சி செய்யும்பொழுது மனதை சந்தோசமாக
வைத்துகொள்ளுங்கள் .

உடற்பயிற்சி செய்யும்பொழுது மிகவும் களைப்பாக இருந்தால்
சிறிது ஓய்வெடுத்து விட்டுத்தான் பின் தொடரவேண்டும் பயிற்சியை .

உடல் நலிந்தவர்கள் கடுமையான பயிற்சியை செய்யாமல் முதலில்
மூச்சுபயிற்ச்சி போன்ற சுலபான பயிற்சி செய்தால் போதும்.

காலையில் எழுந்ததும் -வாய் கொப்பளித்து பின் ஒரு குவளை
தண்ணீர் அருந்துவது மிகவும் நல்லது.
(காப்பி குடிப்பது வேண்டாமே ,அது நல்லதல்ல )

காலை உணவு செரிமானம் ஆககூடியதாக மிகவும் இலகுவான
உணவையே எடுத்துக் கொள்ளுங்கள் (உதா: இட்லி போன்றவை )

மதியம் உணவை நன்கு பசித்த பின் உண்க.அப்பிடி சாப்பிடும்
பொழுது இடையிடையே நீர் அருந்தாமல் சாப்பிட்டு முடித்த
பின் தண்ணீர் அருந்தவும்.

உண்டபின் பகலில் உறங்குதல் வேண்டாம் .
(குட்டி தூக்கம் ஓ.கே. கும்பகர்ணன் தூக்கம் நோ)
குட்டித்தூக்கம் =மேக்ஸிமம் அரைமணி நேரம் )

மாலையில் சிற்றுண்டிக்கு பதிலாக ஏதேனும் சத்துள்ள
பானங்கள் அருந்தலாம் .

இரவில் உண்ட உடனே படுக்காமல் சிறிது நடந்து ,அல்லது
நண்பர்களுடன் உரையாடல் ,புத்தகம் படித்தல் இப்பிடி கொஞ்ச
நேரம் சென்ற பிறகே உறங்குதல் வேண்டும்.

ஒவ்வொரு நாளும் உடற்பயிற்சி செய்ய உகந்த நேரம்
அதிகாலையே .நேரமில்லை என்றால் மாலை செய்யலாம் .

ஆரம்ப உடற்பயிற்சி செய்பவர்கள் ஏதேனும் ஒரு நேரம்
மட்டுமே செய்யலாம் ,செய்யணும்.

நிலைக்கண்ணாடி முன் நின்று சிலர் உடற்பயிற்சி செய்வது
அவர்கள் செய்யும் பயிற்சியில் தவறு உள்ளதா என அறிய .

மட்டுமன்றி பயிற்சியின் போது தசை நார்கள் சுருங்கி
விரிவதை நிலைகண்ணாடியில் பார்க்குபொழுது மனம்
ஒருமுக பட்டு உவகையில் சீக்கிரம் தசைகள் வடிவுகள்
பெறுகின்றன .

ஆரம்பிக்கும்பொழுது சிறிது சிறிதாக ஆரம்பித்து போக போக
அதிகமாக்க வேண்டும் நேரத்தையும் ,பயிற்சிகளின் எண்ணிக்கையும்.

ஆண்--பெண் ---சிறுவர் சிறுமியர் யாவரும் அவரவர்களுக்கு ஏற்ற
உடற்பயிற்சி செய்யலாம் .

இனி வரும் பதிவுகளில் கருவிகள் உதவியின்றி உடற்பயிற்சி
செய்வது எப்பிடி என்பதை பார்ப்போம் நண்பர்களே .


தொடரும்....

என்ன நட்புகளே இந்த சப்ஜெக்ட் பிடித்திருக்கா அதாவது
இதனைப் பற்றி எழுதட்டுமா வேண்டாமா என்பதை
உங்கள் ஆதரவும் ,ஆர்வமும் தீர்மானிக்கும் நண்பர்களே .

தங்கள் கருத்தினை சொல்லுங்கள் நண்பர்களே

நன்றி



 

நடை பயிற்சி நல்லது உடலுக்கு .

அதிகாலையில் நடை பயிலுங்கள்

உடல் சீரடையும் ,சுவாசம் சீரடையும் .

இரத்தவோட்டம் தடையின்றி இருக்கும்.

தேவையற்ற கொழுப்பு சேராது .

உடல் ஆரோக்கியமாகும் .

Tweet