யோகா கற்றுக்கொள்ளுங்கள்-பாகம் 3

நண்பர்களே வணக்கம் .நமது நேற்றைய பதிவான
வாங்க சிரிக்கலாம் படித்து சிரித்திருப்பீர்கள் .

சரி யாரெல்லாம் சிரித்தார்கள் என்று பார்க்க கணினி
ஓபன் செய்து பார்த்தேன் ,அதில் நண்பர் ரெவரி "யோகா "
பற்றி நினைவு படுத்தினார் .



நானும் இன்று திருச்சிராப்பள்ளி செல்வதால் பதிவு
வேண்டாம் என்று நினைத்திருந்தேன் .
ரெவரியின் நினைவால் ...இன்று யோகா
(அவர் என்ன நினைத்தார் என்று நேற்றைய பதிவில்
அவருடைய கமண்ட் பாருங்கள் )

யோகாவின் முந்தய பதிவுகள் படிக்காதவர்களுக்காக

யோகா கற்றுக் கொள்ளுங்கள் பாகம்-1

யோகா கற்றுக்கொள்ளுங்கள் பாகம் -2

பார்ஸ்வ உத்தானாசனம் 

செய்முறை :-

நின்றபடி இடது காலை இரண்டரை அடி நீளத்திற்கு முன்னால்
அகற்றி வைக்க வேண்டும்.

மூச்சை மெதுவாக உள்ளே இழுத்தப்படி கைகளைத் தூக்கவும்.

இது அராம்ப நிலை .

பின்னர் மூச்சை நிதானமாக வெளியே விட்டவாறு குனிந்து
கைகளால் பாதத்தைத் தொட வேண்டும்.

அதே சமயத்தில் முகத்தை முன்கால் முட்டிமேல் வைக்க வேண்டும்.

மீண்டும் மூச்சை உள்ளே இழுத்தபடி நிமிர்ந்து கைகளைத்
தூக்கி பழைய நிலைக்கு வரவேண்டும்.

இவ்வாறு இருபக்கமும் 4-6 முறை செய்யவும்.

செய்வதற்குக் கடினமாக இருந்தால் குனியும் பொழுது
முன்முட்டியை மடிக்கவும்.

பயன்கள் :-

அடிவயிற்றுப் பகுதியிலுள்ள நோய்களுக்கு நல்லது.
முதுகு,இடுப்பு வலி வராமல் தடுக்கும்.

தவிர்க்க வேண்டியவை :-

கழுத்து ,இடுப்பு ,Disc Prolapse , முதுகுத் தண்டு கோளாறுகள் 
உள்ளவர்கள் ,வயிற்றில் அறுவை சிகிச்சை செய்து 
கொண்டவர்கள் ,(Hernia)-குடல் இறக்கம் உள்ளவர்கள் 
தவிர்க்கவும்.


உத்கடாசனம் 
(Half Standing/ Half Sitting)

செய்முறை :-


பாதங்களை சிறிது இடைவெளி வைத்து நிற்கவும்.
மூச்சை மெதுவாக இழுத்தவாறு கைகளைத் தூக்கவும்.


இது ஆரம்ப நிலை,


பின்னர் மூச்சை நிதானமாக வெளியே விட்டவாறு முட்டிகளை 
மடித்து மடித்து பாதி உட்காரவும்.


பின்பு மூச்சை விட்ட வண்ணம் குதிகால்களைத் தூக்கிய படி 
உட்காரவும்.


பின்னர் மூச்சை உள்ளே இழுத்தவாறு கைகளைத் தூக்கிய 
படி மேலே பழைய நிலைக்கு வரவேண்டும்.


6-8 முறை செய்யவும்.


செய்யக் கடினமாக இருந்தால் ஜன்னல் கம்பிகளை 
பிடித்தபடி முடிந்த வரை கீழே உட்கார வேண்டும்.


பயன்கள் :-


இதனால் தசைகள் ,மூட்டுகள் வலுப்பெறும்.


தவிர்க்க வேண்டியவேர்கள் :-


(Arthiritis )-மூட்டுக் கோளாறுகள் ,Disc Prolapse , இருதய நோய்
உள்ளவர்கள் தவிர்க்கவும்.

Tweet