யோகா கற்றுக்கொள்ளுங்கள்-பாகம் 2

நண்பர்களே வணக்கம்

யோகா பயிற்சி முறையில் உள்ள ஆசனங்களின் வகைகளை
இதையும் தெரிந்து கொள்ளுங்கள் என்ற பதிவில் பதிவிட்டிருந்தேன் .




அதனை பற்றி விளக்கமாக பதிவிட நண்பர்கள் சொன்னதால்
யோகா கற்றுக் கொள்ளுங்கள் என்ற பதிவில் பதிவிட்டேன்
அதில் படம் இல்லை என்பதால் சற்று கடினம் புரிந்து கொள்ள
என்று நண்பர்கள் குறிப்பிட்டிருந்தார்கள் .

அதனால் கிடைத்த படம் போடுகிறேன் ,சில பயிற்சிக்கு
கிடைக்க வில்லையெனில் அந்த பயிற்சிக்கு என்னையே
உபயோக படுத்தி எடுத்து தருகிறேன் .

சரி நண்பர்களே கடந்த பதிவில் இரண்டு ஆசனங்களை
பார்த்தீர்கள் ,அதனுடைய படம் இன்று இணைத்துள்ளேன் .
பார்க்காதவர்கள் (படிக்காதவர்கள் )இங்கே சென்று
படித்து கொள்ளவும் .

இன்று மூன்றாவது ஆசனம் பற்றி தெரிந்து கொள்ளுங்கள்

ஆசனம் -3

உத்தானாசனம்

செய்முறை :-

பாதங்களை ஒன்று சேர்த்து நிற்கவும்.பின்னர் மெதுவாக 

மூச்சை உள்ளே இழுத்தவாறு கைகளைத் தூக்கவும்.

இது ஆரம்ப நிலை .

பின்னர் மூச்சை நிதானமாக வெளியே விட்டவாறு ,

உடம்பின் மேல்பாகத்தை வளைத்து குனியவும்.

பாதங்களை கைகளால் தொட்டபடி தலையை குனிந்து 

முகத்தை முழங்கால் மீது வைக்கவும்.

பின்னர் மறுபடியும் மூச்சை உள்ளே இழுத்து ,தலையை

நிமிர்த்தி ,கைகளைதூக்கி பழைய நிலைக்கு வரவும்.

இவ்வாறு 8 முறை செய்யவும்.செய்வதற்கு கடினமாக 

இருந்தால் முழங்கால்களை சிறிது மடித்து கொள்ளவும்.

பயன்கள் :-

அடி வயிற்றில் ஏற்படக்கூடிய நோய்களை நீக்கும்.ஜீரண 

சக்தியை அதிகரிக்கும்.முதுகு ,இடுப்பு வலி வராமல் தடுக்கும்.

எச்சரிக்கை :-

கழுத்து ,இடுப்பு,Disc prolapsed,முதுகு தண்டு கோளாறு 

உள்ளவர்கள் தவிர்க்கவும்.

மற்றும் வயிற்றில் அறுவை சிகிச்சை செய்து கொண்டவர்கள்

குடல் இறக்கம் Hernia உள்ளவர்கள் தவிர்க்கவும்.

Tweet